قصيدة البتاع* للشاعر أحمد فؤاد نجم

    شاطر

    جون كينغ
    عضو
    عضو

    ذكر عدد الرسائل : 11
    العمر : 38
    المكان : ودالمنسي
    العمل : معلم
    تاريخ التسجيل : 07/02/2012

    قصيدة البتاع* للشاعر أحمد فؤاد نجم

    مُساهمة من طرف جون كينغ في السبت 13 يوليو 2013 - 9:22

    يا للي فتحت البتاع
    فتحك على مقفول
    لأن أصل البتاع
    واصل على موصول
    فأى شئ في البتاع
    الناس تشوف على طول
    والناس تموت في البتاع
    فيبقي مين مسؤول ؟
    وإزاي حتفتح بتاع
    في وسط ناس بتقول
    بأن هذا البتاع
    جاب الخراب مشمول
    لأنه حتة بتاع
    جاهل غبي مخبول
    أمر بفتح البتاع
    لأنه كان مسطول !
    وبعد فتح البتاع
    جابوا الهواالمنقول
    نكس عشوش البتاع
    وهد كل أصول
    وفات في غيط البتاع
    قام سمم المحصول
    وخلا لون البتاع
    أصفرحزين مهزول
    وساد قانون البتاع
    ولا عله ولا معلول
    فالقاضي بتع البتاع
    فالحق ع المقتول
    والجهل زاد في البتاع
    ولا مقري
    ولا منقول
    والخوف سرح في البتاع
    خلا الديابه تصول
    ويبقي البتاع في البتاع
    والناس صايبها ذهول
    وأن حد قال دا البتاع
    يقولوا له مش معقول
    وناس تعيش بالبتاع
    وناس تموت بالفول
    وناس تنام ع البتاع
    وناس تنام كشكول
    آدي اللي جابه البتاع
    جاب الخراب بالطول
    لأنه حتة بتاع
    مخلب لراس الغول
    باع البتاع بالبتاع
    وعشان يعيش على طول
    عين حرس بالبتاع
    وبرضه مات مقتول
    *قصيدة البتاع تتكلم عن الإنفتاح الإقتصادي في مصر الذي شهده عهد الرئيس الراحل محمد أنور السادات, وكان أحمد فؤاد نجم من أشد المعارضين لهذا الإنفتاح بسبب ميوله الإشتراكية و طبيعة الشعب المصري الذي ترتفع فيه معدلات الفقر بصورة مأساوية.
    كان الراحل محمد أنور السادات يسميه بالشاعر البذيء, بينما وصفه الشاعر الفرنسي لويس أراغون بأنه له قوة تسقط الأسوار. في عام 2007م إختارته المجموعة العربية في صندوق مكافحة الفقر التابع للأمم المتحدة سفيرا للفقراء.
    هنا أسفل هذه الفذلكة شرح لكلمة البتاع في بعض الأبيات الشعرية الواردة في تلك القصيدة:
    يا للي فتحت البتاع (الإقتصاد)
    فتحك على مقفول
    لأن أصل البتاع (الإنفتاح)
    واصل على موصول
    فأى شئ في البتاع (الفساد)
    الناس تشوف على طول
    والناس تموت في البتاع (الكلام)
    فيبقي مين مسؤول ؟
    وإزاي حتفتح بتاع (إقتصاد)
    في وسط ناس بتقول
    بأن هذا البتاع (الإنفتاح)
    جاب الخراب مشمول
    لأنه حتة بتاع (محمد أنور السادات)
    جاهل غبي مخبول
    أمر بفتح البتاع (الإقتصاد)
    لأنه كان مسطول !
    وبعد فتح البتاع (الإقتصاد)
    جابوا الهواالمنقول
    نكس عشوش البتاع (الغلابة و الفقراء)
    وهد كل أصول
    وفات في غيط البتاع (الفلاح)
    قام سمم المحصول
    وخلا لون البتاع (الزرع)
    أصفرحزين مهزول
    وساد قانون البتاع (الغاب)
    ولا علة ولا معلول
    فالقاضي بتع البتاع (الظالم)
    فالحق ع المقتول
    والجهل زاد في البتاع (الناس)
    ولا مقري
    ولا منقول
    والخوف سرح في البتاع (البلاد)
    خلا الديابه تصول
    ويبقي البتاع في البتاع
    والناس صايبها ذهول
    وأن حد قال دا البتاع (الإنفتاح)
    يقولوا له مش معقول
    وناس تعيش بالبتاع (اللحمة)
    وناس تموت بالفول
    وناس تنام ع البتاع (الحرير)
    وناس تنام كشكول (تتضور من الجوع)
    آدي اللي جابه البتاع (الإنفتاح الإقتصادي)
    جاب الخراب بالطول
    لأنه حتة بتاع (محمد أنور السادات)
    مخلب لرأس الغول ( الولايات المتحدة الأميركية)
    باع البتاع (البلد) بالبتاع (السلاح)
    وعشان يعيش على طول
    عيّن حرس بالبتاع (السلاح)
    وبرضه مات مقتول

      الوقت/التاريخ الآن هو الخميس 23 فبراير 2017 - 6:14