المسافة .. صلاح حاج سعيد

    شاطر

    مازن محجوب
    عضو فعّال
    عضو فعّال

    ذكر عدد الرسائل : 92
    المكان : الخرطوم
    العمل : تاجر
    تاريخ التسجيل : 24/11/2009

    المسافة .. صلاح حاج سعيد

    مُساهمة من طرف مازن محجوب في الجمعة 17 سبتمبر 2010 - 1:48

    لسـّة بيناتنا المسافة .. والعيون ..

    واللهفة والخوف .. والسكوت

    ورنة الحزن البخافا

    تعدّى بى الفرحة ... وتفوت

    وأمشى بى الحسرة .. وأموت

    *********

    الأمانى الفى سفر

    قبل الزمن .. كايسة الموانى

    يوم تجيبنى عليك .. بصدّق

    إنو مرة الحظ طرانى

    وإحتوانى معاك شجن .. عذبنى قبلك

    ولسـّة منك .. جايى تانى

    تمشى وين الخطوة عنك

    ما الزمن بى الحب بلاكا .. وإبتلانى

    ************

    لى عيونك يا مداين الفرحة والحب .. والجسارة

    عندى ليك مليون بشارة

    وألف خير ... والكلمة شارة

    وإنتى لمـّا الحب يهـوّم بى عيونى

    وفى عيونك بى قى حائر .. بالأمارة

    الفرح منك .. يجينى

    يعترينى الخوف عليك

    خطوة منك .. خطوة ليك

    راجى منك بس إشارة

    وكلمة تدينى البشارة

    ولاّ بيناتنا المسافة ؟

      الوقت/التاريخ الآن هو الأحد 28 مايو 2017 - 13:21