الى كل المشوكشين والمشوكشين فاعل ومفعول به اليكم قسمة ونصيب

    شاطر

    المغيرة حامد علي احمد
    شاعر
    شاعر

    ذكر عدد الرسائل : 9
    المكان : الجيلي شمال بحري
    العمل : محاسب بمجموعة المشرف التجارية الخرطوم 2
    تاريخ التسجيل : 24/08/2010

    الى كل المشوكشين والمشوكشين فاعل ومفعول به اليكم قسمة ونصيب

    مُساهمة من طرف المغيرة حامد علي احمد في الثلاثاء 14 سبتمبر 2010 - 15:58

    قسمة ونصيب
    انا والحبيب
    عشنا الهنا

    فوق السنين الستة
    ذدنا الحب سنة
    وبقينا ذي قمري الحراز
    بي ايدنا ننسج عشنا

    وبقينا ذي همس النسيم
    وسط الرياح ساعة يغازل في القنا
    لا فرعو لان لا مرة مال
    لا زعزعو الريح وانتنى

    ونسجنا لي كل الاماني
    المستحيلة على البشر والممكنة
    وسهرت احسب في النجوم
    لما الصباح قرب دنى

    انده عليك
    يا.... لا ما ترحلي إتمهلي إتزكري
    إتزكري الريد القديم
    الكان ذمان
    مشتول هنا

    وظهرتي من وسط الظلام
    والكون صبح
    ضاحك وجيهك نور سناه

    وبقيت معاك ذي الفراش
    في الروض تاه بين الغصون
    كايس عليك يا سوسنة

    وكتين رحيقك ساقني ليك
    وحلمت اوصل لي خدودك
    لي جفونك لي عيونك
    لي كل جوارحك
    احتويها واحضنا

    علشان تكون كل الحوس
    شاهدات علي
    شاهدات علي يوم الحساب
    شاهدات على قصة غرامنا وودنا

    لكن بقيت انا في هواك
    شيطان شعر
    من غير قصد قاصد غواك
    باعد خطاك
    وكان المحال بعد التعب
    بعد العنى

    كان المحال
    لي سكة تانى تردنا
    هدمتي بي إيدك براك
    كل البيوت
    كل الشعر الليهو احكمت البناء

    انسيهو كل القلتو ليك
    رديلي كل اشعاري فيك
    وانسيها قصة ودنا
    واتاكدي
    حتى القلم ندمان معاى
    وكمان كتير ندمان انا

    وارجع اقول بي علو صوت
    قسمة ونصيب انا والحبيب
    عشنا الهنا،فوق السنين الستة
    ذدنا الحب سنة
    لا فترت من طول المسير
    لا بح في حلقي الغنا

    النيلين،مهداة للاخ الصدوق احمد الحبر الشيخ ادريس
    19 يونيو 1999مبعد الشاكوش والحمى
    avatar
    عاشق الورود
    عضو مميّز
    عضو مميّز

    ذكر عدد الرسائل : 103
    المكان : الخرطوم
    العمل : محامي
    تاريخ التسجيل : 12/08/2009

    رد: الى كل المشوكشين والمشوكشين فاعل ومفعول به اليكم قسمة ونصيب

    مُساهمة من طرف عاشق الورود في الخميس 24 فبراير 2011 - 19:38

    ياسلام عليك يا مغيرة
    حقيقي قصيدة جميلة ورائعة
    أستغرب ليه ما غنوا الفنانين كلماتك الرائعة هذه!!!

    hamed
    عضو
    عضو

    ذكر عدد الرسائل : 3
    المكان : ام درمان
    العمل : مطور ومحلل ومصمم نظم banker
    تاريخ التسجيل : 11/01/2010

    قصيدة رائعة دون اشعر وجدت نفسي بلحن فيها

    مُساهمة من طرف hamed في الأحد 19 فبراير 2012 - 12:15

    قصيدة رائعة دون اشعر وجدت نفسي بلحن فيها لو احتجت للحن ليها انا جاهز ومزيدا من التألق

      الوقت/التاريخ الآن هو الجمعة 24 نوفمبر 2017 - 1:23