داير إجابة

    شاطر

    المغيرة حامد علي احمد
    شاعر
    شاعر

    ذكر عدد الرسائل : 9
    المكان : الجيلي شمال بحري
    العمل : محاسب بمجموعة المشرف التجارية الخرطوم 2
    تاريخ التسجيل : 24/08/2010

    داير إجابة

    مُساهمة من طرف المغيرة حامد علي احمد في الثلاثاء 14 سبتمبر 2010 - 15:22

    لما اشوفك كنت بهرب
    من عيونك ومن عتابا
    ولما أسأل كان سكوتك
    فيهو مضمون الاجابة

    وكان تهون دمعاتي عندك
    ذيدي في نفسك عزابا
    ويا خريف عينيي أوعك
    تبعد الريح من سحابا

    دي الخدود عطشانا تحلم
    تبقى فاكر يوم شرابا
    واوعى ترحم في مشاعرك
    اصلو حكم الريدة غابا

    وابقى فاكر انو ريدك
    ذي قدر مكتوب كتابة


    دا القليب مجروح بيبكي
    وانتي تسعدى لي عذابو؟
    يبكي في عز السعادة
    ذي طفل والدنوا دابو

    قال يعيد الزكرى تاني
    ما كتير القبلوا آبو
    وكل قلب بالحب بزكي
    لما يبلغ يوم نصابو

    قلبي هائم في غرامك
    وديما يشرب من سرابو
    الا درب الريدة طول
    وكم كتير في دربو شابوا

    والبشيب في الريدة لازم
    بكرة يتزكر شبابو
    والبشيب في الريدة لازم
    يوم حا يتزكر شبابو

    ويا حوافر خيلي شيلي
    حفنة من رمل المسافة
    وعلي صوتك ذي حناجر
    تسعد الكون بي هتافا

    وللبقول الحب سعادة
    ببقى عايش في خرافة
    انتي يا قبلة حياتي
    ما حصل مليت طوافا

    دي السعادة بحور عميييقة
    بس قليل القلبو شافا
    والبكوس لي مرسى يوصل
    تبعدو الريح من ضفافا


    الا بس الريد حقيقة
    ومافي قلبا حب جافا
    أصلو قلب الدنيا ابيض
    من عروس في توب زفافا

    واصلو قلبي انا ديما ابيض
    من عروس في توب زفافا

    النيلين1999 يونيو /26 كلية التجارة الفرقة الثالثة في ذاك التاريخ ، محاسبة[b]


    عدل سابقا من قبل المغيرة حامد علي احمد في الثلاثاء 14 سبتمبر 2010 - 15:25 عدل 1 مرات (السبب : تنسيق)
    avatar
    عاشق الورود
    عضو مميّز
    عضو مميّز

    ذكر عدد الرسائل : 103
    المكان : الخرطوم
    العمل : محامي
    تاريخ التسجيل : 12/08/2009

    رد: داير إجابة

    مُساهمة من طرف عاشق الورود في الخميس 24 فبراير 2011 - 19:50

    أغنية جميلة
    وفي ظني أن لحنها بداخلها
    أتمنى عزيزي مغيرة أن تمنحها لأحد المطربين ويا ريت لو الفنان عصام محمد نور

      الوقت/التاريخ الآن هو الجمعة 24 نوفمبر 2017 - 1:24