وعد الفرح

    شاطر

    وردة مدني
    عضو مميّز
    عضو مميّز

    عدد الرسائل : 270
    تاريخ التسجيل : 22/02/2009

    وعد الفرح

    مُساهمة من طرف وردة مدني في الأربعاء 25 فبراير 2009 - 7:52

    باخد منك وعد الفرح الكان
    وبسأل عنك أنا قلبي
    الفي زمن الوجع ارتحل أزمان
    كنت بشيل كلماتك راية
    وأحاسب بيها قميرنا الخان
    نجماتو وفرتق شمل الليل
    بي ومضة حلمة
    ورقصة نخلة وتكية بان
    باخد ضي أنا من عينيك
    في لهفة
    وارسم بيها ملامح مرفا
    وموعد وصدفة
    وبحر العرفة
    عشان بي موج الريد يزدان
    كنت بشيل أنا صوت خطواتك
    واكتب بيهو صدى الكلمات
    لو يشرح ليك العنا والمعنى
    يقوم يهديك سر الفنان
    باخد منك أسرار صمتك
    ودنيا سكوتك
    باخد منها كم قاموس
    ما أنا درويشك
    أنا جنحاتك وريشك
    لمن تعبري درب الضلمة
    ولما تودعي صمت العتمة
    كنت دوام باخد عينيك ألوان
    أشواقي تسافر تبدا تجيك
    ما بين تنهيدة وشريانك
    يانخل الضفة ورمز العفة
    وصعب السكة الهان
    أنا باخدك منك
    لما تذوب فيني التنهيدة
    ولما يتوه عني الشريان

      الوقت/التاريخ الآن هو الخميس 16 أغسطس 2018 - 20:24