سؤال

    شاطر
    avatar
    مشاعر الشيخ
    شاعر
    شاعر

    انثى عدد الرسائل : 51
    المكان : الخرطوم
    العمل : طبيبة
    تاريخ التسجيل : 02/10/2009

    سؤال

    مُساهمة من طرف مشاعر الشيخ في الإثنين 7 ديسمبر 2009 - 18:56

    ممكن اسال بس سؤال؟؟

    بس تجاوب لي عليهو

    اصلي ماطالبه المحال

    بس تبرد نار حروفي

    وماتذيد ناري اشتعال

    بس تقول وحياتي عندك

    ليه تشبها بالغزال؟؟؟

    وليه تخت مابينى بينا

    الف ميدان للقتال؟؟

    بس سؤال انا عندي واحد

    هل فؤادك للنزال

    وهل رهنتو خلاص ووقفا

    لي بنات حوا الكتار

    ...وليه تشبها بالغزال؟؟

    اصلو كان صفه ولا حال؟؟

    وحالي مابصعب عليكا؟؟؟

    لما بكره يقولو قال؟؟


    مابتحس يابعض مني

    دمع عيني الكب سال

    مابتحس وانا فيك بغني

    وفيك برسم الف فال؟؟؟

    وانت تسهب في التمني

    وتلتفح اوصافا شال

    وقلبي يسهب في التجني

    وكل يوم ذايد ضلال؟؟

    ... ومن بنات حوا الكتار

    ماتعجبك غير صديقتي

    الا بس تعشق منال؟؟

    الا بس تعشق صديقتي

    العارفه ريدك فيني طال؟؟

    وتمضي كل الليل ترتب

    ترسم الخطط الطوال

    ...لما تلقيه جاي علينا

    فجاه اغرقي في الدلال

    وفجاه اعملي بت مهمه

    وسارحه دايما في الخيال

    ولما يقعد ونسيهو

    افتحي معاهو المجال

    شاركيه شغلو وهمومو

    اساليه كمين سؤال

    ناقشي فكرتو في الحياة

    وفكرتك عن الرجال...

    ..تبقي ايجابيه واضحه

    وصليها بلا انفعال

    ولما يسال عن حياتك

    اوعا من سيرة كمال

    اوعا من سخفك عوارتك

    اوعا من قصص الجهال

    مافي راجل شرقي بقبل

    غيرو قلبك ليهو مال

    ...وابقي شاطره واسمعيني

    تصلي لي بيت الحلال

    ابقي واعيه وافهميني

    تبقي ليه ام العيال

    وياني يومداك الوزيره

    وياني رابطالو الهلال

    ؟؟؟؟وكلو منك يامنال

    وحالفه تاني اسمع كلامك؟؟

    ؟يبقي لي سما عجال

    هسي بسببك نصايحك

    ياهو داك داخل شمال

    هسي ايه حنسوي نحنا

    شوفو لينا طريق حلال

    الا نرسل ليه رساله

    فيها قلبين والغزال

    مدينة نور
    عضو فعّال
    عضو فعّال

    انثى عدد الرسائل : 83
    المكان : أمدرمان
    العمل : موظفة
    تاريخ التسجيل : 18/06/2009

    رد: سؤال

    مُساهمة من طرف مدينة نور في السبت 12 ديسمبر 2009 - 23:46

    كلمة رايعة شوية عليك
    هل من مزيد؟؟

    مازن محجوب
    عضو فعّال
    عضو فعّال

    ذكر عدد الرسائل : 92
    المكان : الخرطوم
    العمل : تاجر
    تاريخ التسجيل : 24/11/2009

    رد: سؤال

    مُساهمة من طرف مازن محجوب في الإثنين 14 ديسمبر 2009 - 13:25

    راقية راقية راقية
    ما عارف أقول شنو
    إبدااااع
    avatar
    محمد عوض
    شاعر
    شاعر

    ذكر عدد الرسائل : 11
    المكان : فداسى الحليماب
    العمل : طالب
    تاريخ التسجيل : 25/11/2009

    رد: سؤال

    مُساهمة من طرف محمد عوض في الإثنين 14 ديسمبر 2009 - 17:26

    الرائعون دوما من يختارون سحر المفردات وتصبح كلماتهم على جدران الزمان خالص الامتنان والتقدير الشاعرة العملاقة ومزيد من فيض ابداعك
    avatar
    فهمي محمد
    عضو نشيط
    عضو نشيط

    ذكر عدد الرسائل : 39
    المكان : الخرطوم
    العمل : الترحال في عالم الجمال
    تاريخ التسجيل : 17/11/2009

    رد: سؤال

    مُساهمة من طرف فهمي محمد في الثلاثاء 15 ديسمبر 2009 - 22:52

    مافيش أجمل من كدة
    ولا أروع

    ولا أحلى

      الوقت/التاريخ الآن هو الإثنين 11 ديسمبر 2017 - 18:27