دعوة عرس

    شاطر
    avatar
    مشاعر الشيخ
    شاعر
    شاعر

    انثى عدد الرسائل : 51
    المكان : الخرطوم
    العمل : طبيبة
    تاريخ التسجيل : 02/10/2009

    دعوة عرس

    مُساهمة من طرف مشاعر الشيخ في الإثنين 12 أكتوبر 2009 - 17:42

    عزومة عرس

    الليله معزومين عرس

    عند اهلو معزومين غدا


    عند اهلو طير الموت شدا

    عند اهلو خاتين السفر

    طابخين قليبي هناك غدا

    طابخين قليب بالمايونيز

    ختوهو في عقدو خبيز

    جدعوه هداك حرقان هده



    ارفع قليبي الماعرف

    غير سكتك سكه وحدا

    هدهد قليبي الماعرف

    غير حتتك حته ومدي

    امسح قليبي من الرماد

    امسح سنينو من الصدا

    ختوهو لضيوفك نضيف

    خلوهو تحليه في الغدا

    دايرنو مهرود بالفطير؟؟

    دايرنو مفرود وللا طي

    دايرنو مسلوق وللا شي

    دايرنو محروق وللا ني

    دايرنو مكتول وللا حي

    دايرين هداك طاربو الحدي

    ادي الصبي الدفنو حي

    واحي عليك ياقلبي
    احي علي
    احكيهو لي مين يحفظو

    اشكيه اقول فات من ايدي؟؟

    ماحس بي؟؟احي علي

    احي عليك ياقلبي

    احي علي
    احي اكان احي بتنفع ذاتا حي

    احي علي السلخوهو ني

    احي علي الداووهو كي

    والكيه ماجات في العضم

    غارت

    هناك في اللحم حي

    واحي علي

    احي من الموت البصبح كل صباح

    ويمر علي

    احي من الموت اتقول خلقوهو لي


    ,,,,,,,,,,,,,,
    والليله معزومين عرس

    في عرسو معزومين عزا

    ختو الغدا اصناف صنوف

    انا قلبي يقرش في الحصا

    الشوك قعور الحلفا ذاد

    ياقلبي شرباتك حزي

    والحنضل المر سقسقك
    الليله

    شاتك زي حذا

    والناس هناك هايصه ورقيص

    شوف العريس عرض انتشى

    وانا قلبي رقصات الذبيح

    انا قلبي يعرض في لظي

    فكو البخور والجو عبق

    الصندل الفايح شذا

    عم الدخان كل المكان

    ماحاني منو سوي الشظي

    حرقت قليبي المشتهيك

    هردت سنينو شبع اذي

    وياقلبي معزوم في الغدا

    ياقلبي مدعو للعزا

    اتغدي بالموت السكن

    كل شبر ارضك جززا

    اتغدي بالوجع الوطن

    وطنك خلاص الموت غزا



    ياقلبي سير فايت معاه؟؟

    ماقالو ساير بالمسا

    ياقلبي ودعو سير وراه

    الاصلو لسيرتك نسي

    واصل معاه لاعن ديارا

    هناكا عازمنك عشا



    والليله معزومين عرس

    في بيتا معزومين عشا

    ,,,,

    فوت ياقلب وارحل معاه

    مافات خلاص فاتك مشى

    مافات خلاص فاتك قدل

    خلاكا للعمي والعشى

    خلاكا للحرقه التحرق

    وحرق انحرق الحشا

    غنولو غنوات الفرح

    غنولو جاييك يارشا

    والدنيا تغرق في العديل

    اصوات موسيقي ووشوشه

    وانا قلبي غرقان في الرماد

    نص القبور الموحشه

    مافات خلاص فاتو ومشي

    مافاتو ماودع غشا

    غنولو غنوات الفرح

    الليله فرحي انا عاد قسي

    غنولو ياعماتو هوي

    الليله بالبدله اكتسي

    البدله سودا سواد سنين

    سادن سواد قلبي الحسي


    ....والليله معزومين عرس

    عند اهلو عازمين الغدا

    ياقلبي اتصبر خلاص

    ياربي اهدي اذا انهدي

    صبر قليبي الماعرف

    غير ريدو مالباه ندا

    صبر قليبي علي الفراق

    سنينو ان ضاعن سدي

    لانحنا اخترنا الفراق

    لاكان فراقنا الموت بدا

    ,,,,,


    والليله معزومين عشا

    في بيتا معزومين عزا

    في الحفله جات لابسه الزفاف

    زفت قليبي الي لظي

    ابيض زفافا كما الكفن

    ياقلبي كيف ينفع سكن؟؟؟

    ياقلبي احجزو ليك وطن

    كان قلبي كالمجنون هذي

    كان الكحل اسود غزير

    سودة سواد ليلا طويل

    لي زول بيحلم بالعديل

    ختوهوفي خانة البديل

    وياقلبي شكرا ليك جزيل

    اليوم خلاص يوم الجزا
    avatar
    فؤاد محمد أحمد
    عضو مميّز
    عضو مميّز

    ذكر عدد الرسائل : 222
    المكان : الخرطوم
    العمل : معلم
    تاريخ التسجيل : 22/02/2009

    رد: دعوة عرس

    مُساهمة من طرف فؤاد محمد أحمد في الثلاثاء 13 أكتوبر 2009 - 17:18

    مشاعر الشيخ كتب:عزومة عرس

    الليله معزومين عرس

    عند اهلو معزومين غدا


    عند اهلو طير الموت شدا

    عند اهلو خاتين السفر

    طابخين قليبي هناك غدا

    طابخين قليب بالمايونيز

    ختوهو في عقدو خبيز

    جدعوه هداك حرقان هده



    ارفع قليبي الماعرف

    غير سكتك سكه وحدا

    هدهد قليبي الماعرف

    غير حتتك حته ومدي

    امسح قليبي من الرماد

    امسح سنينو من الصدا

    ختوهو لضيوفك نضيف

    خلوهو تحليه في الغدا

    دايرنو مهرود بالفطير؟؟

    دايرنو مفرود وللا طي

    دايرنو مسلوق وللا شي

    دايرنو محروق وللا ني

    دايرنو مكتول وللا حي

    دايرين هداك طاربو الحدي

    ادي الصبي الدفنو حي

    واحي عليك ياقلبي
    احي علي
    احكيهو لي مين يحفظو

    اشكيه اقول فات من ايدي؟؟

    ماحس بي؟؟احي علي

    احي عليك ياقلبي

    احي علي
    احي اكان احي بتنفع ذاتا حي

    احي علي السلخوهو ني

    احي علي الداووهو كي

    والكيه ماجات في العضم

    غارت

    هناك في اللحم حي

    واحي علي

    احي من الموت البصبح كل صباح

    ويمر علي

    احي من الموت اتقول خلقوهو لي


    ,,,,,,,,,,,,,,
    والليله معزومين عرس

    في عرسو معزومين عزا

    ختو الغدا اصناف صنوف

    انا قلبي يقرش في الحصا

    الشوك قعور الحلفا ذاد

    ياقلبي شرباتك حزي

    والحنضل المر سقسقك
    الليله

    شاتك زي حذا

    والناس هناك هايصه ورقيص

    شوف العريس عرض انتشى

    وانا قلبي رقصات الذبيح

    انا قلبي يعرض في لظي

    فكو البخور والجو عبق

    الصندل الفايح شذا

    عم الدخان كل المكان

    ماحاني منو سوي الشظي

    حرقت قليبي المشتهيك

    هردت سنينو شبع اذي

    وياقلبي معزوم في الغدا

    ياقلبي مدعو للعزا

    اتغدي بالموت السكن

    كل شبر ارضك جززا

    اتغدي بالوجع الوطن

    وطنك خلاص الموت غزا



    ياقلبي سير فايت معاه؟؟

    ماقالو ساير بالمسا

    ياقلبي ودعو سير وراه

    الاصلو لسيرتك نسي

    واصل معاه لاعن ديارا

    هناكا عازمنك عشا



    والليله معزومين عرس

    في بيتا معزومين عشا

    ,,,,

    فوت ياقلب وارحل معاه

    مافات خلاص فاتك مشى

    مافات خلاص فاتك قدل

    خلاكا للعمي والعشى

    خلاكا للحرقه التحرق

    وحرق انحرق الحشا

    غنولو غنوات الفرح

    غنولو جاييك يارشا

    والدنيا تغرق في العديل

    اصوات موسيقي ووشوشه

    وانا قلبي غرقان في الرماد

    نص القبور الموحشه

    مافات خلاص فاتو ومشي

    مافاتو ماودع غشا

    غنولو غنوات الفرح

    الليله فرحي انا عاد قسي

    غنولو ياعماتو هوي

    الليله بالبدله اكتسي

    البدله سودا سواد سنين

    سادن سواد قلبي الحسي


    ....والليله معزومين عرس

    عند اهلو عازمين الغدا

    ياقلبي اتصبر خلاص

    ياربي اهدي اذا انهدي

    صبر قليبي الماعرف

    غير ريدو مالباه ندا

    صبر قليبي علي الفراق

    سنينو ان ضاعن سدي

    لانحنا اخترنا الفراق

    لاكان فراقنا الموت بدا

    ,,,,,


    والليله معزومين عشا

    في بيتا معزومين عزا

    في الحفله جات لابسه الزفاف

    زفت قليبي الي لظي

    ابيض زفافا كما الكفن

    ياقلبي كيف ينفع سكن؟؟؟

    ياقلبي احجزو ليك وطن

    كان قلبي كالمجنون هذي

    كان الكحل اسود غزير

    سودة سواد ليلا طويل

    لي زول بيحلم بالعديل

    ختوهوفي خانة البديل

    وياقلبي شكرا ليك جزيل

    اليوم خلاص يوم الجزا

    يا سلام عليك يا دكتورة يا رائعة.. قصيدة بنمط مدهش وتجربة جديدة جديرة بالوقوف لديها طويلاً.. احساس فياض على الرغم من أن القصيدة للوهلة الأولى تبدو وكأنما هي حلمنتيشية...
    تقبلي مروري وخالص التقدير

    سليمى موسى
    عضو
    عضو

    انثى عدد الرسائل : 2
    المكان : أم درمان
    العمل : طالبة
    تاريخ التسجيل : 13/10/2009

    رد: دعوة عرس

    مُساهمة من طرف سليمى موسى في الثلاثاء 13 أكتوبر 2009 - 18:47

    لك التحايا الشاعرة المتميزة صاحبة أجمل الكلمات مشاعر الشيخ
    تقبلي مروري
    avatar
    مشاعر الشيخ
    شاعر
    شاعر

    انثى عدد الرسائل : 51
    المكان : الخرطوم
    العمل : طبيبة
    تاريخ التسجيل : 02/10/2009

    رد: دعوة عرس

    مُساهمة من طرف مشاعر الشيخ في الثلاثاء 13 أكتوبر 2009 - 19:24

    سليمى موسى كتب: لك التحايا الشاعرة المتميزة صاحبة أجمل الكلمات مشاعر الشيخ
    تقبلي مروري



    شكرا فؤاد سليمي
    تقبلو صداقتي واضيفوني لاصدقاءكم
    اتشرف بمعرفتكم واذداد فخرا بردودكم وتعليقاتكم

    وردة مدني
    عضو مميّز
    عضو مميّز

    عدد الرسائل : 270
    تاريخ التسجيل : 22/02/2009

    رد: دعوة عرس

    مُساهمة من طرف وردة مدني في الثلاثاء 13 أكتوبر 2009 - 23:53

    من أجمل القصائد التي اطلعت عليها في الآونة الأخيرة
    شكراً د.مشاعر الشيخ
    ونسألك هل تعاملت مع أي من المطربين في السودان أو خارج السودان؟؟
    avatar
    مشاعر الشيخ
    شاعر
    شاعر

    انثى عدد الرسائل : 51
    المكان : الخرطوم
    العمل : طبيبة
    تاريخ التسجيل : 02/10/2009

    رد: دعوة عرس

    مُساهمة من طرف مشاعر الشيخ في الأربعاء 14 أكتوبر 2009 - 20:04

    سماح أحمد كتب: من أجمل القصائد التي اطلعت عليها في الآونة الأخيرة
    شكراً د.مشاعر الشيخ
    ونسألك هل تعاملت مع أي من المطربين في السودان أو خارج السودان؟؟

    اهلا ياسماح
    شكرا علي الاشاده البتديني دافع للاحسن
    انا كل يوم بكتشف اني كنت بعيده عن ناسي واصحابي الحقيقيين
    الناس البتفهم وتقيم وبالجد ده مافيه اساءه لزول
    رايكم شنو اعتزل الطب ده لانو ماخد زمني ده غير مالاقيه نفسي فيه؟؟؟
    بالنسبه للملحنين لا والله
    يمكن شعري ماوصلم

    وردة مدني
    عضو مميّز
    عضو مميّز

    عدد الرسائل : 270
    تاريخ التسجيل : 22/02/2009

    رد: دعوة عرس

    مُساهمة من طرف وردة مدني في الأحد 22 نوفمبر 2009 - 16:44

    اهلا ياسماح
    شكرا علي الاشاده البتديني دافع للاحسن
    انا كل يوم بكتشف اني كنت بعيده عن ناسي واصحابي الحقيقيين
    الناس البتفهم وتقيم وبالجد ده مافيه اساءه لزول
    رايكم شنو اعتزل الطب ده لانو ماخد زمني ده غير مالاقيه نفسي فيه؟؟؟
    بالنسبه للملحنين لا والله
    يمكن شعري ماوصلم
    [/quote]

    ربنا يحفظك يا دكتورة وشعرك نفسه طب
    والاتنين ما بيتناقضوا
    على العكس الرسالة واحدة
    وربنا يوفقك في الشعر وفي الطب والملحنين ظلموا أنفسهم

      الوقت/التاريخ الآن هو الإثنين 11 ديسمبر 2017 - 18:27